ეკონომიკური კრიზისის გამო დღის წესრიგში მთავრობის პასუხისმგებლობის საკითხი დგება.

მართლაც, გაუფასურებული ლარის, გაზრდილი უმუშევრობისა და გაძვირებული ცხოვრების გამო, სხვამ ვინ უნდა აგოს პასუხი, თუ არა, მთავრობამ და მისმა მეთაურმა?

დენისა და გაზის გადასახადი იზრდება, პირველადი პროდუქტები და საწვავი ძვირდება, ლარი უფასურდება, პრემიერი კვირიკაშვილი კი მთავრობის ადმინისტრაციული ხარჯების შემცირებაზე ამბობს უარს.

თუმცა, როგორც ჩანს, კვირიკაშვილი წასასვლელად ემზადება, რასაც მთავრობის კანცელარიაში, მისივე თანამშრომლების არაოფიციალური საუბრებიც მოწმობს.

თუ რეალობის აღქმა შემორჩა, მან იქამდე უნდა გაასწროს, ვიდრე ეკონომიკა სრულ კოლაფსში არ აღმოჩნდება, რისი ნიშნებიც, მთავრობის ეკონომიკური გუნდის არაკომპეტენტურობის გამო, დაკვირვებული თვალისათვის უკვე შეინიშნება.