ეს საზარელი ვიდეო, ორი ბრიტანელი ახალგაზრდას: მაიკლ ოუენისა და კაილ კეირფორის სიცოცხლის ბოლო წუთებშია გადაღებული. როგორც წესი, ასეთ ვიდეობს არ აჩვენებენ, თუმცა გარდაცვლილების მშობლებს სურთ, რომ რაც შეიძლება მეტმა ადამიანმა ნახოს.

"ახლაგზარდებს უნდა ახსოვრეთ, რომ ყოვლისშემძლენი არ არიან. მათ უფრო 

მეტი პასუხისმგებლობით უნდა ეკიდებოდნენ საკუთარ სიცოცხლეს. რადგანაც ისინი, მხოლოდ საკუთარ თავებს არ ეკუთვნიან, არამედ ისინი თავის ახლობლებს და საყვარელ ადამიანებსაც ჭირდებიან. ახლა მე შვილის გარეშე დავრჩი, მაიკლის ცოლი ქმრის, ხოლო მათი 4 წლის გოგონა - მამის გარეშე",- წერს მაიკლის დედა.

ორი ახალგაზრდის ოჯახმა ნებართვა მისცა სამართალდამცველებს, გამოექვეყნებინათ ვიდეო, სადაც ასახულია ორი ახალგაზრდის დაღუპვის კადრები, რომლებიც მანქანას გადაჭარბებული სიჩქარით მართავდნენ. 20 წლის კაილ კეირფორდი და 21 წლის მაიკლ ოუენი კროუბოროუში წელს, აპრილის თვეში დაიღუპნენ. ორივე მათგანი ალკოჰოლური ზემოქმედების ქვეშ იმყოფებოდა. ვიდეო ბიჭებმა მობილური ტელეფონით თავად გადაიღეს, სასიკვდილო შეჯახებამდე რამდენიმე წამით ადრე. 150 კმ/სთ სიჩქარით მოძრავი სედანი ეკლესიის ღობეს შეასკდა და ორივე მგზავრი ადგილზევე დაიღუპა.

მშობლებმა ვიდეოს გამოქვეყნების უფლება სამართალდამცველებს იმ მიზეზით მისცეს, რომ სხვა ახალგაზრდები გააფრთხილონ, რა ფატალური შედეგი შეიძლება მოჰყვეს მსგავს გართობებს.